Түркістан облыстық мәслихатының кезектен тыс сегізінші сессиясында Түркістан облысы бойынша Тексеру комиссиясының төрағасын және комиссия мүшесін тағайындау қаралды.
Түркістан облыстық мәслихатының кезектен тыс сегізінші сессиясының күн тәртібінде Тексеру комиссиясы төрағасын және комиссия мүшесін тағайындау қаралған. Түркістан облыстық мәслихатының кезектен тыс сегізінші сессиясының 8/114-VIII шешімімен Тексеру комиссиясының төрағасы лауазымына Тәпеев Ғалымжан Серікбайұлы тағайындалды.
Тәпеев Ғалымжан Серікбайұлын Тексеру комиссиясының ұжымына Қазақстан Республикасы Жоғары аудиторлық палатасының мүшесі Нұржанов Нұрлан Амангелдіұлы және Түркістан облыстық мәслихатының төрағасы Әбішов Нұралы Әлмаханұлы келіп таныстырды.
Тәпеев Ғалымжан Серікбайұлы 1985 жылы Алматы қаласында дүниеге келген. Еңбек жолын Т.Рысқұлов атындағы қазақ экономикалық университеті, «Экономика» кафедрасының оқытушысы, аға оқытушысы болып бастаған. Сонымен қатар Республикалық бюджеттің атқарылуын бақылау жөніндегі есеп комитетінің бас сарапшы — мемлекеттік бақылаушысы, бас консультант-мемлекеттік аудиторы, Қазақстан Республикасы Әділет министрлігі ішкі аудит басқармасының басшысы, «Астана Innovations» АҚ Басқарма төрағасының орынбасары, кеңесшісі, «Қазақстандық қоғамдық даму институты «Рухани Жаңғыру» КЕАҚ ішкі аудит қызметінің басшысы, Астана қаласы бойынша Тексеру комиссиясының аппарат басшысы қызметттерін атқарған.
